នាព្រឹកថ្ងៃចន្ទ ១៤រោច ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១ ខែកក្កដា ឆ្នាំ២០១៩ ឯកឧត្តម អ៊ុំ សារឹទ្ធ អគ្គលេខាធិកាព្រឹទ្ធសភា និងឯកឧត្តម យក់ ប៊ុនណា រដ្ឋលេខាធិការក្រសួងមុខងារសាធារណៈ និងជានាយកសាលាភូមិន្ទរដ្ឋបាល បានអញ្ជើញជាអធិបតីភាពក្នុងពិធីបើក និងបិទវគ្គបណ្ដុះបណ្តាលសម្រាប់មន្រ្តីរាជការនៃអគ្គលេខាធិការរដ្ឋានព្រឹទ្ធសភា នៅសាលាភូមិន្ទរដ្ឋបាល។
វគ្គបណ្តុះបណ្តាលដែលបិទនាឱកាសនោះ មានសិក្ខាកាមចំនួន៣៧នាក់ នារីចំនួន១០នាក់ បានសិក្សាអស់រយៈពេល១២០ម៉ោង លើជំនាញ “ការពង្រឹងសមត្ថភាពមន្ត្រីជំនាញក្នុងវិស័យបម្រើសេវាច្បាប់ និងការស្រាវជ្រាវ” ចាប់ពីថ្ងៃទី២៤ ខែកញ្ញា ឆ្នាំ២០១៨ ដល់ថ្ងៃទី២៤ ខែមករា ឆ្នាំ២០១៩។
រីឯវគ្គបណ្តុះបណ្តាលដែលបើកនាឱកាសនោះ នឹងចាប់ផ្តើមពីថ្ងៃទី១ ខែកក្កដា ឆ្នាំ២០១៩ សិក្សាលើជំនាញ “ការពង្រឹងសមត្ថភាពមន្ត្រីជំនាញក្នុងវិស័យបម្រើសេវារដ្ឋបាល ហិរញ្ញវត្ថុ អធិការកិច្ច សវនកម្ម និងទំនាក់ទំនងសាធារណៈ” មានសិក្ខាកាមចំនួន៣៧ នារី១៨នាក់៕
